അഗത്തിയിലേക്ക് കടത്താന്‍ ശ്രമിച്ച 39 കുപ്പി വിദേശ മദ്യം പിടികൂടി

ബേപ്പൂര്‍(24.4.12):- എം.വി അമീന്‍ദ്വീവി കപ്പലില്‍ അഗത്തിയിലേക്ക് കടത്താന്‍ ശ്രമിച്ച 39 കുപ്പി വിദേശ കുപ്പി മദ്യവുമായി അഗത്തി സ്വദേശി ബിയ്യാത്ത ബിയ്യോട നിസാബുദ്ധീന്‍ അറസ്റ്റിലായി. പ്ലംബിങ്ങ് ഫിറ്റിംങ്ങ്സ് എന്ന പേരെഴുതിയ പെട്ടിയിലായിരുന്നു മദ്യക്കുപ്പികള്‍ കടത്താന്‍ ശ്രമിച്ചത്. ഇയാളെ പോലീസ് അറസ്റ്റ് ചെയ്തു കൊണ്ടു പോയി. ഇന്ന് കോടതിയില്‍ ഹാജരാക്കും. കഴിഞ്ഞ 10 ന് കില്‍ത്താനിലേക്ക് കടത്തിയ 6 കുപ്പി മദ്യം ഇതേ വാര്‍ഫില്‍ വെച്ച് പിടികൂടിയിരുന്നു.സ്കാനിങ്ങ് വെട്ടിച്ചും ഡ്യൂട്ടീപോലീസിനെ വെട്ടിച്ചും ദ്വീപുകളിലേക്ക് മദ്യവും കഞ്ചാവും കടത്തുന്നത് ‌നിതയസംഭവ‌മാണ്.  മദ്യവേട്ട തുടര്‍ക്കഥയാകുമ്പോഴും ഇത് ദ്വീപിലേക്ക് കടത്തുന്നതിന് കുറവൊന്നുമില്ല. ഇവര്‍ക്കെതിരെ കര്‍ശന നടപടി എടുക്കുകയും മദ്യം ദ്വീപിലെത്തുന്നത് പൂര്‍ണ്ണമായും തടയാത്തടുത്തോളം കാലം ദ്വീപിന്‍റെ ഭാവി കടുത്ത ആശങ്കയിലാകുമെന്നാണ് പലരുടേയും വിലയിരുത്തല്‍.