കല്‍പേനി : ഹിദായത്തുല്‍ ഇസ്ളാം മദ്രസ്സയുടെ ഭണ്ഡാരം (നേര്‍ച്ച പ്പെട്ടി) കുത്തിത്തുറന്ന കള്ളനെ പോലീസ് പിടി കൂടി. അഗത്തി സ്വദേശിയാണ് പിടിയിലായത്. മോഷണത്തിന് വേണ്ടിയാണ് താന്‍ കല്‍പേനിയില്‍ വന്നതെന്ന് മോഷ്ടാവ് സമ്മതിച്ചു . ഡാക്ക് ബംഗ്ളാവില്‍ താമസിച്ച് മോഷണത്തിനുളള എല്ലാ തയ്യാറെടുപ്പുകളും നടത്തിയിരുന്നതായാണ് ചോദ്യം ചെയ്യലില്‍ നിന്ന് അറിയാന്‍ കഴിഞ്ഞത്. കല്‍പേനിയില്‍ ഇയാള്‍ കറങ്ങുന്നത് അഗത്തി ദ്വീപുകാരില്‍ പലരും ഇയാളെ ശ്രദ്ധിക്കണമെന്ന് പോലീസ്കാരോട് പറഞ്ഞതായി അറിയാന്‍ കഴിഞ്ഞു. ഈ മോഷണത്തോടൊപ്പം വേറൊരു മദ്രസ്സയും മോഷ്ടിക്കാന്‍ ആലോചിച്ചിരുന്നതായി മോഷ്ടാവ് പോലീസിനോട് പറഞ്ഞു . മോഷ്ടാവിനെ പിടിക്കൂടാന്‍ ഏറ്റവും കൂടുതല്‍ പ്രയത്നിച്ച ലക്ഷദ്വീപ് പോലീസിലെ സി.എന്‍.ജബ്ബാറിനെ പോലെയുളളവര്‍ ലക്ഷദ്വീപ് പോലീസിന് എന്നും മാത്യകയാണ്
